Gure kideen lan eskaintza batzu segi arazten dizuegu

ondotik, behar diren loturak kausituko dituzue.

Segi gure Facebook horria, nun pasatzen ditugun agertzen diren eskaintzak

https://www.facebook.com/hemenherrikoa

1. Astigarraga Kit Linek zuzendari komertziala bilatzen du:

https://www.astikitline.es/fr/empresa.php

Xehetasunak:      Annonce – DIRECTEUR COMMERCIAL INTERNATIONAL 2020

      2. Bastidarrak logiztika kide bat behar du:

https://www.facebook.com/yaourtibaski/photos/a.938375822929435/2792801057486893/

      3. Agour  esnetegiak gasna egile bat bilatzen du:

https://agour.com/fr/content/57-agour-recherche-un-fromager-

           Bainan ere ERP informatika sistemaren arduradun bat:

https://agour.com/fr/content/78-recherche-chef-de-projet-deploiement-erp

           Edo bestalde esportazio arduradun bat:

https://agour.com/fr/content/76-responsable-export-maison-agour

           Eta gasna egile bat ikerketa eta garapenean berezitua:

https://agour.com/fr/content/77-recherche-fromager-responsable-recherche-et-developpement-

           Eskaintza guziak agertzen dira hemen:

https://agour.com/fr/content/22-nous-rejoindre

      4. Euskal Monetak Euskara garapenaren arduradun bat bilatzen du:

https://www.euskalmoneta.org/2020/09/16/leusko-recrute-un%c2%b7e-charge%c2%b7e-de-developpement-euskara/

      5. CLPB ( Cooperative laitiere du Pays basque)k gasna egile bat bilatzen du Aldudeko gasnategiarentzat:

https://www.facebook.com/EntreprisesBascoLandaises/posts/3069383213107659

      6. HEMEN Architecture enpresak  behar du arkitekto bat, ala apainketan berezitua den arkitekto bat, edo deseinuan hartzeko kide bat:

https://www.facebook.com/110936066931924/photos/a.145007383524792/359778805380981/

Bastidarra esnetegia lantegi bizia da , Hubert Candelek sortu zuen duela 10 urte.

Laborari seme, kudeatzaile hunek nahi izan du bere sort’ herrian lantegi bat sortu, tokiko  esne ekoizleek ukan dezaten aterabide bat esne on bat ekoizteko eta prezio zuzenean saltzeko. Enpresa huni esker, balioa sortzen da tokian berean kalitatzeko mozkinak eskainiz bezero ainitzi,

6 ekoizleek ekartzen dute esnea eta 30 bat langileek lan egiten, 100 mozkin desberdin ekoitziz, 3 ehuneko bat bezeroentzat.

Hazkunde jarraikia zen, mozkin berriak  asmatuak, Txinako sukarra sartu zaukularik.

Izialdura haundia izan da talde guzian.

Mozkin banatze batzu bat batean gelditu dira ( jantegi publikoak)

Ihardokitzea ezinbestekoa zen ; eta lantegian denek berehala egin dute.

Esnea hor izanki, ekoizpena ez zen gelditzen ahal.

Saltzeko moduak atxeman behar izan dira ; merkatu berri batzu kausitu( ekoizpen horren bizi iraupena hilabete batekoa izanki, ez ziren soto batean atxikitzen ahal).

Kudeaketa taldeak zalutasun haundiz aterabideak kausitu ditu langileen engaiamenduari esker ; salmentak berriz goititu dira eta ekoizpenak segitu du .

Txinako sukarrak enpresaren gaitasunak agerian eman ditu :

• Egokitze gaitasuna
• Enpresarekilako lotura
• saltzeko bizkortasuna
• Berritzeko gaitasuna ekoizpenean eta antolakuntzan
• Mozkinen kalitatearen segurtamena

Larrialdiaren ondoko lehen bilduma egitean, kudeatzaileek badakite lan taldean kondatzen ahal dutela, inbertsioak segitzen ahal dituzte,  teknologia ahal berrien menperatzea baitezpadakoa da merkatu berri batzu kausitzeko.

Fidantzia hor dago, enpresa prest da proiektu berrietan sartzeko, jakinez antolaketa hobetzea baitezpadakoa dela emaitzak hobetzeko.

Lan kide berriak beharko dira lan gehigarriak segurtatzeko.

Bastidako laborariek badakite BASTIDARRA enpresarekin partaidegoan lan egiten ahal dutela .

Bastidarra: Tokiko kalitatezko esnekiak

www.bastidarra.fr

Hetsialdiak zerbait erakatsi badigu, hauxe da : jendeen arteko harremanak beharrezkoak direla, numerikoak izan arren.

Zalantzazko garai huntan, mintzatzeak eta ikusmoldeen partekatzeak oharrarazi digu besten iritziak nola laguntzen ahal gaituen oharguneen atxemaiten. Segurki, ez ditu zailtasunak kentzen, bainan bederen arrangurei so egiten ahal zaie gibelatze handiagoarekin.

Gainera, ikusi ahal ukan dugu lekuko arizaleek igurikatzen dutena, nola bakotxak sendi dezakeen lurralde hunentzat dugun atxikimendua. 

Orain, behar dugu elkarrekin partekatzeko gutizia iraun arazi, harreman bizi eta jarraikien bitartez.

Bideo bilkurek erakutsi digute talde lana egiten ahal dela, denak mintza araziz eta iritzi ezberdinak entzunez. Tresna numerikoek ahalbidetzen dituzte horrelako ekimenak.

WhatsApp, Twitter, linkedin eta besteek…segurtatzen dute taldean lan egiten ahal dugula batzuen eta besteen harat hunatak trabatu gabe.

Dudarik gabe, molde egokiena kausituko dugu.

HEMEN Elkarteak bideo bilkura baliosak antolatu ditu. Hemendik aitzina, entseatuko gira jendeen etorraraztera  bainan ere beste bideo bilkura batzuen bidez gure bazkideei parte har arazten lekuko ekonomiaren bizitzan.

Eztabada ainitzen ondotik, gure hautetsiek beren karguak hartuak dituzte orain.

Haize berritzaile batek ufatu du eta hautetsi berriek erakutsi eskualde bakotxak garrantzi haundiagoa ukaiteko nahia. Tokiko garapean parte hartu behar lukete.

Elgarrekin lan egin behar dugu hautetsiek proposa ditzaten  beharrezkoak diren lur, eraikin, bainan ere bide edo azpiegitura guziak,  herritarek lan egiteko ahalak ukaiteko gisan.

Neurriko garapen bat beharko da bideratu ekologia ahal bezain untsa begiratzeko.

Eskuz esku arizanez, aterabide egokiak beharko dira aurkitu,jendeen harat-hunatak ahal bezain untsa antolatzeko.

Garapen kontseiluak argitaratu du txosten bat, herritarren artean egin  inkesta baten ondorioekin. Denek beharko dugu engaiatu hartuko diren erabakiek indar dezaten denak izan gaitezen lurralde bizi, zaindu eta errespetatu huntako kide.

Larrialdiaren 9 erakaspenak 

Txostenak irakurtu eta sartu proposatu talde batean, zure interesaren arabera

Lurralde bakoitzean enpresariek eta hautetsiek elgarrekin lan egitea garrantzizkoa izanen da.

Harreman jarraikiek ahalbidetuko dituzte aterabide egokiak.

Hemen elkarteak aurkezpen bat eginen du eskualde bakoitzean, herri bakoitzari eskainiz bere zerbitzuak, proiektuak ateratzen laguntzeko. Gure elkarteak enpresarien eta hautetsien arteko loturak errexten ahal lituzke, bereziki  gai minberak edo geroari buruzko gogoeta sakonak egin behar direlarik..

Horra, uda ondar egunetan da, eskola sartzea egin da eta oporrak  bururatuak dira.

Urtaro arras berezi hunen ondotik, arra abiatu behar dugu, baldintza oso zailetan,Txinako sukar horren gatik.

Udaberrian bi hilabeteko geldialdi horren ondorioak pekatu beharko dira.

Irail atsarrean, INSEE egiturak, txosten bat atera du, zointan  erakusten duten, iharduerak ainitz goititu direla agorrilean eta barne etekin gordinaren jaustea uste baino apalagoa izanen dela.

Hala balitz hobe !

Gizarte larrialditik ez dugu eskapurik. Hemendik abendorat, lan gabezia azkartuko litaike, hala nola arlo batzuetan bereziki oso gogorki : hegazkingintzan, ostalaritzan, kultur  ihardueretan, eta abar…

Hal ere, aintzinatu behar dugu, ahal dena salbatuz eta oroz gainetik geroari buruz gogoetatu. 

Gelditu lekuan berriz hasten ahalko girea ?

Hain segur ez, erosleen usaiak aldatu dira, eta ekoizteko moldeak arra ikusi behar dira. 

Nola egin jauzi haundi bat ?

Lehengo egiteko moldeetan eta erosteko usaietan ezin da segitu. Frango fite beharko egokitu, bizitzeko maneran gauzak aldatzen ari baitira, larrialdi hunen gatik bainan ere Klima aldaketari buru egiteko.

Gure enpresalariak ezin konponduzko egoeran direa ?

Gure lurraldeak, dauzkan eragileekin, badu buru egiteko gaitasuna. Industrian norabide berriak proposatzeko, arloak  osoagoki pentsatuz eta bide berriak ikertuz.

Langileen gaitasunak zabalagoak izan beharko dira.

Tokiko formakuntza zentroekin batera, ikerketa garrantzisuak egin beharko dira norabide berri batzu atxemaiteko.

Nola hartu norabide bat zalantzazko egoera huntan ?

Geroari begira, kezka haundiago da gero hurbil batean, jakinez gaitz hau berriz itzultzen ahal dela…

Alta, beharrezkoa izanen dira talde gogoetak eta lanak.

Xantza badugu, Iparraldean tresna batzu baititugu :

Garapen kontseilua, elkarte herrikoiak, gizarte ekonomia saileko batasunak, enpresarien elkarteak..

Denen beharra ukanen dugu gure lurraldearen geroa asmatzeko.

Ahalaz, ez ditugu bakarrik kausitzen ahal diren aukerak baliatu behar

Denek gure lurraldeari dugun atxikimenduari esker eta ditugun gaitasunekin, urte batzuentzat garapen plangintza bat asmatzen ahalko dugu.

LEKUKOA laborarien eta erosleen arteko elkartasun topagune bat da nun denek urrats bat egin behar duten besteari buruz.

Tresna horrek Euskal Herriko laborarien nahikari kolektiboa biltzen du, tokiko janari ainitza eta kalitatezkoa eskaintzeko.

LEKUKOA 30 urte baino gehiago laborantxa herrikoia defendatu duten Euskal Herriko laborari egiturek zuzenean asmatu eta kudeatu duten topagunea da.

Egungo kinka gaixtoa gainditu-eta, lotura iraunkorrak sortzeko esperantza badugu.

“Gure egiturek – hots Euskal Herriko Etxe Ekoizleen Elkartea-Idoki, Biharko Lurraren Elkartea CIVAM, Euskal Herriko Laborantxa Ganbara, ELB sindikatuak – beren ekoizpena zuzenean saltzen duten 400 etxalde biltzen dituzte.

Egunero elkarlanean ari gira elikagaien burujabetza segurtatzeko, lehenetsiz ekoizpenen kalitatea, gure kulturaren, ingurunearen eta abereen errespetuan. 

Berantetsia dugu merkatuetan berriz zuen ikustea, zuen seme-alabek jantokietan gure ekoizpenak eska ditzaten, tokiko mozkinen dendek  berriz beren ateak ideki ditzaten eta jatetxeek ere apairu goxoak presta dezaten tokiko osagaiekin.”

(LEKUKOA webgunean sar zaite)

Topagune hau denbora laburrez sortu zen, laborantxa herrikoia  garatzeko lan egiten duten elkarteei esker, etxe ekoizleen garapena ahalbidetuz. Horrek funtsezko larrialdi bati ihardestea ahalbidetu zuen, Iparraldeko biztanleek kalitatezko produktuak eskuratzeko gisan.

Oraingo kinka txarrean ageri da, gure laborariei esker behar bezala jaten segitzen dugula.

Kinka gaixto honen ondotik, denek batean pentsatu beharko dugu nola jokatu gure ingurunearekin, laborariekin, ofizialeekin eta bertze herritarrekin bizikidetza hoberena bideratzeko.

Beharbada, horrelako ekimen iraunkor bat asma ginezake konponbide digital aintzinatuekin, ekoizle eta erosleen arteko hurbiltzeak iraun dezan, bidenabar gure ama lurraren errespetua bilatuz …

Ipar Euskal Herrian, Europako leku guzietan bezala, kutsu gaixto horrek herrietako jarduerak erabat geldiarazi ditu.
Lehenik eta behin behar dugu etxean egon izurrite hau ahal bezain laster desager dadin. Horretarako, elikagaien hornikuntzan laguntzeko elkartasun ekimenak oso interesgarriak dira. Ondoko artikuluan “Lekukoa”-ri buruz hitz egingo dugu.
Gure lurraldean ere osasun saileko langileen lan izigarria eskertzekoa da, eta bada heietaz harro izaitekoa.

Nola nahiz, bizi dugun egoera huntatik badugu nun zer ikas. Sekulan baino gehiago orain da elgarrekin gogoetatzeko ordua. HEMEN elkarteak, beti bere sare ekonomiko eta sozialarekin elkarlanean, araberako ekimen batzu hartuz, bakoitza lagunt dezake bere ingurumena hobetzen.

Dagoeneko elkarlan bat hasia dugu “enpresari engaituen sarea” rekin:

• beren enpresari kezka nagusiak modu kolektiboan aztertzeko,
• tokiko eragileak (enpresak, elkarteak) bilduz, beren bezeroen eta botere publikoen beharrei eta galderei ihardesteko elkarturik egonez
• baliabide mota guziak elkartuz jarduerak berriz abiarazteko eta Trantsizio Ekologiko eta Energetikoa gauzatzeko beharrezkoak diren aldaketak antolatzeko
• osasungintzan, energia berriztagarrietan, eko-eraikuntzan … diren aukerak aztertzeko.

Denek elgarrekin, gure ingurune ekonomiko eta soziala hobetu genezake, erantzukizun sozial eta ekologikoa lehenesten duten arau berriekin, ber denboran mundu zabalari idekidura bat atxikiz.

Hara hor hainbat gogoeta bide, elgarrekin eztabaidatu eta XXI. mendeko Ipar Euskal-Herria eraikitzen lagunt dezaketenak.

Julien DUPIN-ek bere enpresa 2019ko ekainean sortu zuen ETXARRIn.

2 urtez aprendizgoa eginik eta 13 urtez langile gisa lanean arizanik, Julien,Txab Hola izeneko proiektua martxan emaiteko prest senditu da.

Julien-ek zurlanak egiten ditu eraikuntza berrietan edo zaharberritzetan. Horrez gain TXAB HOLAk eskaintzen ditu egurrezko etxeak, etxe txikiak “tiny house”, bakotxaren neurriko etxebizitza arinak eta barneko edo kanpoko apainketak.

Puska eta altzari bereziak ere sortzen ditu Julien-ek.

Erabilitako ekai guziak jatorri ekologikoa segurtatua dute eta zur motak bertakoak dira, ustelezinak.

Julien-ek autoeraikuntzarako laguntza ere eskaintzen du; Beharren arabera, hori egokitzen du proiektu bakoitzari.

Amikuzeko Indar Développement batasunari esker, Julien GILTZAK CLES-eko jendearekin harremanetan jarri zen.

GILTZAK CLES-ek laguntza ekonomikoa ekarri zuen hasieran, bai eta Amikuzeko aurrezki taldearen aholkuak eta bultzada ere.

Txab Holaren garapen aukerak ainitzak dira, hala nola itzuliak diren etxe bioklimatikoen eraikitzeari buruz.

Argibide guziak www.atelier-txabhola.com webgunean

https://www.facebook.com/julien.dupin.txabhola/ orriari ere beha dezokezu.

2020ko martxoaren 3az geroztik, Francis CARRICART HEMEN Elkartean lanean hasi da akulatzaile gisa.

Francis CARRICART Ezpeletako bizilaguna da enpresari edo arduradun esperientzia haundikoa.

Euskalduna, tokiko elkarteetan engaiatua, esku huskako pilotari ohia, bere lan arloak izan dira alzarigintzan bai eta eremu profesionalak eta komertzialak apaintzale hogoi bat urtez. Gainera, duela urte batzuk INDARen animatzailea izan zen Donibane Garazin 2007tik 2013ra enpresa sortze edo garatze tokiko proiektuak gauzatzen laguntzeko.

Daukan tokiko enpresa munduaren ezagutza abantail bat da eta berari agindutako eginkizunak hauek dira:

• Joan eta ezagutu Mathilde LE COSSEC-ek 2019an egindako “enpresari engaituen sarea” ; bereziki inkestan parte hartu duten enpresalariek
• Enpresa hauekin bilkurak antolatu, atera arazteko tokiko garapena eta lankidetza indartu lezaketen ekimenak
• Herriko Etxeekin lotura ukaitea jarduera ekonomikoa beren lurretan finkatzeko
• Elkartearen komunikazioa segurtatu bulegokideen artean finkatu norabideen arabera
• Elkartera deitzen dutenei ihardestea.

HEMEN Elkarteak Euskal Herriko ekonomia eragileendako topagune eta gogoeta lekua izan nahi du. Bizi dugun garai berezi honetan, ezinbestekoa da akulatzaile bat hor izaitea Iparraldeko arizaleen arteko loturak garatzeko.